- 421 -

1406. Nov. 12. Breslau.

Die Stadtschöppen zu Breslau bescheinigen, dass die Rathmannen zu Liegnitz der verehelichten Frau Katharina Schönhals von 50 Mark Erbzins auf der Stadt Liegnitz, 22, jede mit 18 M. abgelöst haben.

Vor vns, scheppen czu Bresslaw, Czenco Domnik, Hanco Tile, Petir Pezeler, Heinrich Gorteler, Caspar Czadilmait, Hannos Banco, Niclos Ferkel, Andris Peizerer, Petir Mechwicz, Hannos Sagan vnd Stephan Rotkegil gestanden hat in gehegtem dinge, do Hannos Rote das gerichte sas, Hanse Pasco vnd Nicolaus Senzer von der ratmanne weine vnd haben becant, das vor en gewest sint am dinstage noch Judica Katherina, dy Niclaus Schonhals eliche husfrowe gewest ist, mit Hencziln, Wencziln vnd Reicheln eren kindern vnd haben bekant, das dy ersamen lute. ratmanne czu Legnicz in czwe vnd czwenczig mark an den fomfczig marken erbeczinsis vff der stat czu Legnicz abgelost haben, yo dy mark vmb achczen marken grosschen, des se derselben stad Legnicz briue haben, also das ir alde briue nich wenne dryczen marken czinsis sollen besagen; auch hat die vorgenante frowe Katherina globt mit eren kindern, den vorgenanten, vor sich, ire erben vnd nachkomen von der czwey vnd czwenczig marke czinsis, wenne dy ratmanne czu Legnicz, dy iczunt sint vnd incziten werden, vorbas mer nymmermer anczulangen noch anzusprechen, geistlich noch werltlich, nach in keyner wize. Dorobir ist deser briff vorsigilt mit vnsern ingesegeln. Noch gotis geburt fierzenhundirt jare in deme sechsten jare am fritage noch Martin.

O. d. St L. No. 215. An Pergamentstreifen die Siegel der Scabinen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866